Vinisius Juniorın gələcəyi

Offsideplus.az “AS” nəşrinə istinadən xəbər verir ki, “Real Madrid” Vinisius Juniorla yeni anlaşma barədə hələ də razılığa gələ bilməyib. Braziliyalı futbolçunun müqaviləsi 2027-ci ilin yayında başa çatacaq. Vinisius Junior klub rəhbərliyi ilə yeni müqavilə üzrə danışıqlarda ortaq məxrəcə gələ bilməyib. Ötən mövsüm azarkeşlərin ən çox tənqid etdiyi oyunçulardan biri olan Vinisius Junior, komanda yoldaşı Kilian Mbappenin qazandığı maaşa bərabər məvacib tələb edib.

Lakin “Real Madrid” rəhbərliyi bu tələbə müsbət yanaşmayıb. Klubdan gözlədiyi dəstəyi ala bilməyən braziliyalı futbolçu müqaviləsinin müddəti başa çatdıqdan sonra – 30 iyun 2027-ci ildə komandanı sərbəst agent kimi tərk edə bilər. Qeyd edək ki, Junior 2018-ci ildə Braziliyanın “Flamenqo” klubundan 45 milyon avro qarşılığında transfer olunub.

“Offside” Azərbaycanın idman portalları arasında liderlərdən biridir. “Offside” komandası hər gün ölkə və dünya idmanının bütün əsas hadisələrinin operativ şəkildə işıqlandırır. Yüksək keyfiyyətli eksklüziv məzmun, müsahibə və analitik materiallar, ətraflı matç icmalları komandamızın gündəlik işidir.